சபையானது அதன் உள்ளக தயாரிப்புகளை மட்டுமன்றி, ஏனைய பனம்சார் உற்பத்தியாளர்களிடமிருந்தும் பொருட்களை கொள்வனவு செய்து “கற்பகம்" எனும் சந்தைப்படுத்தல் விற்பனை நிலையங்களினூடாக சந்தைப்படுத்துகிறது. அதன் நாடளாவிய பதினைந்து (15)  “கற்பகம்" எனும் பெயரில் விற்பனை நிலையங்களாக யாழ்ப்பாணம், கொழும்பு, திருகோணமலை, மட்டக்களப்பு, கல்முனை, வவுனியா, புத்தளம், அம்பாந்தோட்டை மன்னார் மற்றும் மொனராலை ஆகிய பகுதிகளில் விற்பனை மேற்கொள்கின்றது.

புனர்வாழ்வு, மீள்குடியேற்றம், வடக்கு அபிவிருத்தி, இந்துமத அலுவல்கள் அமைச்சின்கீழ் புனர்வாழ்வு அதிகாரசபையின் சுயதொழிற்கடன் திட்டத்தின் பயனாளிகளான மீள்குடியேற்றப்பட்ட குடும்பங்கள், சமூகத்துடன் மீளிணைக்கப்பட்ட பயனாளிகள் ஆகியோரின் உற்பத்திப் பொருட்களின் கண்காட்சியும் மலிவு விற்பனையும் எனும் பெயரிலான கண்காட்சி 2018 மே மாதம் 25ம் திகதி சங்கிலியன் தோப்பு நல்லூர் யாழ்ப்பாணத்தில் நடைபெற்றது.

இந்நிகழ்வு புனர்வாழ்வு, மீள்குடியேற்றம், வடக்கு அபிவிருத்தி, இந்துமத அலுவல்கள் அமைச்சின் அமைச்சர் கௌரவ டி.எம். சுவாமிநாதன் (பா.உ) அவர்களால் புனர்வாழ்வு, மீள்குடியேற்றம், வடக்கு அபிவிருத்தி, இந்துமத அலுவல்கள் அமைச்சின் செயலாளர் எந்திரி.கலாநிதி. பொன்னையா சுரேஸ் அவர்களின் பங்குபற்றுதலுடன் அங்குராப்பணம் செய்து வைக்கப்பட்டது.

பனை அபிவிருத்திச் சபை தனது சந்தைப்படுத்தல் பிரிவின் ஊடாக இக்கண்காட்சி விற்பனைக்கு அதன் தயாரிப்புகளையும் காட்சிப்படுத்தியது.

விற்பனை நடவடிக்கைகளை ஒழுங்குபடுத்துவதற்காக கற்பக விற்பனை நிலையங்களில் உற்பத்திகளை காட்சிப்படுத்துவதற்காக கொண்டோலா மற்றும் காசு மற்றும் இருப்பு பதிவு இயந்திரம் பொருத்தப்பட்டன

பனம் யோகட், பனம் ஐஸ் கிரீம் & பனம் பிஸ்கட்

கற்பக விற்பனை நிலையங்களில் ஊழியர்களுக்கான பயிற்சியளிக்கப்பட்டது.